A l’ora de las vacanças de febrièr, per las e los que causisson de vacanças dins la nèu, la causida de las Pirnèus es plan sovent una recèrca d’estacions de dimension umana.

Perqué causir las Pirenèus ?

version française español

Las Pirenèus

Una dimension umana

Las Pirenèus son lo segond massís montanhós francès, lo primièr estant las Alps, sens contesta possibla. A l’ora de passar vacanças dins la montanha o la nèu, la causida pòrta plan sovent sus las estacions de las Alps.

Plan segur, d’estacions miticas coma Megève, Courchevel, Tinha, l’Alp d’Uez son de vertadièras cartas postalas que simbolisan los espòrts d’invèrn, mas se vos pausètz pas la question de las Pirenèus, riscariatz de passar a costat d’un environament mai uman.

D’avantatges vertadièrs

Proximitat

Per l’estajant del sud-oèst que soi, per tot dire aquela fòto l’ai prèsa d’en ço ièu, la proximitat de Tolosa es forcentament una rason d’i anar. Aquesta proximitat es accentuada tant per lo malhum rotièr que per lo tren. Tolosa estant una vila estudianta per excelléncia, las posibilitats de rejónher las estacions en utilisant lo tren existisson realament.

Aquestas infrastructuras benefícian forcentament als parisians e als charters nèu britanics que fan dels Pirnèus una destinacion de mai en mai privilegiada.

 

Exposicion al solelh maximala

Sèm dins lo Sud-Oest e es un fach, tant del costat francès qu’espanhòl, lo solelh es fòrça mai present que dins las Alps. Son doncas d’estacions d’esquí de dimension familiala que descobriretz jos un solelh ja primaverenc.

La calor umana es tanplan presenta amb una vertadièra volontat de fidelisar los vacancièrs e de pas simplament los considerar coma de toristas a quin anam voidar lo pòrtamoneda.

 

Entre Tèrmas e esquí

Un autre profièit a l’ora d’ara, ont la volotat es d’avèr de vacanças diversificadas : la possibilitat d’avèr un acoblament entre estacion d’esquí e estacion termala. Per exemple Ax-los-Tèrmas possedís un centre termòludic ont repaus e benestança se passan en aiga termala. En mai, las pirenèus possedisson la magèr part d’aquel tipe de centre en Franças (dètz, pel moment).

 

Causir una estacion

Aurètz pas que tròp de causidas possiblas, e aqueste article estant escrit en tota libertat, vos ne’n aconselharai pas una mas qu’una autra. Pòdi çaquelà vos citar : Artosta, Ax 3 Domènis, Belha, Cauterets, Font-Romièu – Pirnèus 2000, Guzèt, Lo Chiolà, Las Anglas, Luchon Superbanhèras, Lus Ardiden. Una lista non-exaustiva, mas que vos donarà ja d’idèias.

 

Alavetz, las Pirenèus, vos sedutz ?

version française español

Traduction : Léo H.

bernieshoot blogger photographe chroniqueur

Tag(s) : #Pirenèus, #Occitan

Partager cet article